- NL
- |
- PAP
PCC ta un organisashon independiente di dòkternan di kas, ku bou di enkargo di e Ministerio di Salubridat Públiko, Bienestar Sosial i Deporte, ta duna sosten na ofisinanan di dòkter di kas na Boneiru, ora ta trata di ekspanshon i desaroyo di tur loke e sektor di kuido primario tin pa ofresé.
PCC ta krea oportunidatnan pa dòkternan di kas, profeshonalnan den kuido i instansianan den kuido por traha huntu. Di e manera ei ta promové kuido koherente i di bon kalidat pa e habitantenan di Boneiru.
PCC ta un organisashon independiente di dòkternan di kas, ku bou di enkargo di e Ministerio di Salubridat Públiko, Bienestar Sosial i Deporte, ta duna sosten na ofisinanan di dòkter di kas na Boneiru, ora ta trata di ekspanshon i desaroyo di tur loke e sektor di kuido primario tin pa ofresé.
PCC ta krea oportunidatnan pa dòkternan di kas, profeshonalnan den kuido i instansianan den kuido por traha huntu. Di e manera ei ta promové kuido koherente i di bon kalidat pa e habitantenan di Boneiru.
E habitantenan di Boneiru ta inskribí na un klínika di dòkter di kas independiente. Den kaso ku e pashènt tin un pregunta tokante di kuido, e por akudí serka su propio dòkter di kas durante oranan di ofisina. PCC ta ofresé yudansa den kaso ku e organisashon di e kuido rekerí ta superá e kuido di e klínika di dòkter di kas. Por ehèmpel, PCC ta ofresé kuido pa kasonan di emergensia via e Huisartsenpost den oranan di anochi i den wikènt. Ademas, den kolaborashon ku e klínikanan di dòkter di kas independiente, PCC ta organisá programanan di kuido spesífiko, por ehèmpel pa malesanan manera diabétis, malesanan di kurason i malesanan vaskular, asma i COPD i problemanan mental (síkiko).
Banda di e aktividatnan laboral den kuadro di e programanan di kuido i di e Huisartsenpost, tambe PCC ta responsabel pa e kuido di detenidonan den prisòn na Boneiru.
Ademas PCC ta konsehá i ehekutá e desaroyonan i implementashon di e inovashonnan den e kuido di dòkternan di kas, den kolaborashon i den dunamentu di kuido digitalmente.
PCC ta duna dòkternan di kas na Boneiru sosten riba tereno di kontenido, organisatorio i sosten fasilitando e trabounan. PCC ta duna yudansa na e dòkternan di kas durante e konsultanan i durante e kolaborashon den e liñanan sero, primario i sekundario. Ademas PCC ta kontribuí na e desaroyo di e órgano di koordinashon di inisiativanan di kuido nobo, manera e programanan di kuido króniko.Tambe PCC ta fasilitá profeshonalisashon i ta duna sosten na momento di sertifikashon.
E mihó kuido pa pashèntnan ta wòrdu krea dor di kolaborashon ku otro, ku koleganan profeshonal den kuido, ku organisashonnan di kuido i ku organisashonnan den e ramo sosial. PCC ke ta un organisashon ku ta promové kuido koherente.
PCC ta organisá diferente ora di konsulta pa pashèntnan ku malesanan króniko manera diabétis mellitus tipo 2 i (esnan ku ta kore riesgo pa haña) malesanan di kurason i kardiovaskular. Ta ofresé e oranan di konsulta aki na tur e klínikanan di dòkter i enfermeronan spesialmente eduká riba e terenonan aki ta ehekutá e konsultanan. E enfermeronan ta traha bou di responsabilidat di un dòkter di kas.
E aña aki tin un ora di konsulta plania pa pashèntnan ku malesa di pulmon COPD. Ademas lo introdusí un programa pa kuido di grandinan i un programa di prevenshon i estilo di bida.
PCC ta e atministradó funshonal di e sistema digital di pashènt ku nan ta usa den e ofisinanan di dòkter di kas. PCC ta sòru pa e dunadónan di kuido den e ofisinanan di dòkter di kas por usa e sistema di manera fásil i PCC ta sòru pa nan por hasi bon uso di e posibilidatnan ku e sistema aki ta ofresé. Ademas PCC ta trahando riba un mehorashon adishonal di e konekshon entre sistemanan di diferente organisashonnan (di kuido), di manera ku por interkambiá informashon fásilmente entre e klínikanan di dòkter di kas i por ehèmpel un laboratorio òf un botika.
PCC ta sostené dòkternan di kas na Boneiru organisando kuido di emergensia pafó di oranan di ofisina. Durante oranan di anochi, den wikènt i riba dianan di fiesta pashèntnan por akudí na Huisartsenpost. Na Huisartenpost tin enfermero i asistèntnan di dòkter ta traha. Nan ta eduká komo ‘triagist’ i nan ta den servisio di di PCC. E dòkternan di kas ta repartí e wardanan na e Huisartsenpost i nan ta atendé nan propio pashèntnani tambe pashèntnan di otro dòkternan di kas.
PCC tin mènedjer di klínika di dòkter di kas ku ta den servisio di PCC i ku nan ta poné na disposishon di e ofisinanan di dòkter di kas na Boneiru. E mènedjernan di ofisina aki ta sostené e ‘praktijkhouder’ (e dòkter ku ta na kabes di e klínika di dòkter di kas) den trabounan di organisashon general di e klínika di dòkter di kas i ehekutando desaroyonan nobo. Banda di esei PCC ta sostené e klínikanan di dòkter di kas den e proseso di akreditashon di klínika konforme NGH. Esaki ta pasa den kaso ku tin deseo pa sertifiká e klínika di dòkter di kas ku un marka di kalidat.
