Nos kolaboradornan ta hasi nan máksimo esfuerso pa yuda tur pashènt i otro bishitantenan di e servisio di emergensia di Huisartsenpost mas mihó ku ta posibel. Sinembargo por pasa ku no ta satisfecho ku e servisio. Den e kaso ei, nos lo apresiá si pone nos na altura di esei. Pa nos ta hopi importante pa skucha kon a eksperensiá nos servisio. Esei ta yuda nos mehorá nos servisio, kaminda esei ta posibel. Nos ta apresiá si lo ke kompartí e eksperensia ku nos! Por hasi esei na diferente manera: por papia ku nos kolaboradónan tokante e eksperensia òf por yena un formulario ònlain.

Ta preferá papia ku un kolaboradó promé? Nos funshonario ku ta atendé ku keho ta disponibel riba number di telefòn +599 717 5577 òf via e-mail: info@pccarib.com

Den e parti di reglamento di keho por lesa kon nos ta atendé ku keho. Den kaso ku presentá un keho serka nos, semper nos lo trata esei di forma konfidensial konforme e normanan ku ta vigente. Nos tin un funshonario independiente ku ta atendé ku e kehonan. E funshonario aki por intermediá i huntu kuné por buska un solushon pa e keho. Ademas e funshonario por konsehá tokante e mihó pasonan ku por tuma.

Den kaso ku despues di e intermediashon di e funshonario ku ta atendé keho, ainda no por sali afó por akudí na e instansia ku ta atendé konflikto. Servisio di emergensia Huisartsenpost Bonaire ta asosiá na e Fundashon pa trata keho i konfliktonan den e prome liña di kuido (na hulandes: Stichting Klachten en Geschillen Eerstelijnszorg (SKGE). SKGE ta situá na Hulanda.

• Prosedura di keho:
• Formulario